離港清稅 Part 2

離港前需要清說我諗下大家都好清楚(之前我個blog都有提過)。咁點解需要part 2？

我公司竟然喺我清咗稅四個月之後send返張改咗嘅IR56G畀我，話之前計少咗啲bonus同education benefits.。既然我已經清咗稅(最後嗰期糧亦都已經收到)... 咁應該我要點做呢? 可唔可以唔理佢？🤔

我唯有打去稅局問一問職員應該要點做。我同我個評稅主任傾過，如果我唔係趕住離開香港嘅話，我只要send張改咗嘅IR56G去佢哋嘅電郵taxctr1@ird.gov.hk, 佢哋就會再send一張新嘅繳費通知畀我去我香港嘅地址(eTax account都睇到)。我最後等咗足足差唔多一個月先至收到佢哋嘅繳費通知 (via mail)。如果趕住離開香港嘅話就要去多稅局一次。

我亦都幫其他已經離開咗香港嘅朋友問，大致上情況一樣, 都係send email畀佢哋連同聯絡方法。

我都問咗如果我唔處理會有乜嘢後果(既然我都收到最尾一期糧啦), 職員話佢哋唔會評論會有乜嘢後果或罰款... 但係我諗大家都唔好博喇。😅