 |
| 稅務大樓 - Revenue Tower |
今朝一早起身九點鐘前就到灣仔稅務大樓諗住清稅 (港鐵站: 灣仔出口A5)。 原來首先要去一樓詢問處查詢您所屬檔案所屬的組別，之後佢會畀張飛仔你上去你所屬組別嘅櫃檯排隊。
上到去同你講你準備離港清稅，同畀你公司出畀你嘅IR56G。佢就會印份報稅表畀你。
填完報稅表之後再等一陣間就會見叫你入房等稅務主任。同你核對完資料之後佢就會幫你計返你所需要繳交稅項或者有退稅。
大家去稅局清稅之前記緊帶備所有可扣稅文件 （供樓利息, 慈善，持續進修， MPF, etc）- 我就係唔記得帶供樓statement, 要email返畀佢哋。
唔知係咪因為我冇帶張statement，所以我要下個禮拜再返去。佢到時會計完所有款項，如果要交稅就可以落樓下一樓郵局繳交。繳交完再上7/F就會畀張release letter，之後就可以send返公司。
今朝去到都有好多人準備清稅，整個過程用咗大概兩小時，唔知下次要幾耐呢。
沒有留言:
發佈留言