打去加航熱線 - 快好多方法 (Air Canada Hotline Tips)

Air Canada

先兩日加航send咗email畀我, 通知我之前訂咗嗰班機去溫哥華要改期。Email上面有條link畀我click入去confirm個新日子。

我見佢改個日子早過我之前訂嗰日, 所以我想睇下有冇其他選擇。但係喺網上面話冇其他日子available, 要打上去客戶服務中心查詢。

嗰朝早我又8am開始打去熱線 800 906 519揀咗廣東話 (聽講話個call center喺大陸唔係喺香港), 之後等咗兩個鐘頭都未接通。 之後我11am又再打過去，今次我揀英文又等咗個幾鐘頭。今次終於接通咗，但係一接通就斷咗線。😠😠😠

當我好沮喪嘅時候, 我睇下大家網上嘅經驗竟然俾我發現大家都有同樣嘅情況，有啲網友等咗六個鐘頭都未能接通。後尾又發現有其他留言原來廣東話同英文嘅hotline係得好少職員去handle，如果用普通話嘅話就好快會接通電話。我之後真係走去揀普通話試一試，竟然係十分鐘之內就接通咗。個職員仲好快用咗20分鐘幫我改咗一個我想揀嘅日子。

呢個唔知係唔係巧合。但係如果大家唔想等咁耐嘅話真係可以試下普通話 （當然你嘅普通話最少要聽得明... 講得到啦 😂）。